Hiki ndicho hutokea baada ya kupata au kunusurika ajali

1. Athari ya kisaikologia (mental trauma)

Mtu aliyepona au kunusurika na ajali huathirika kisaikologia kiasi cha kuogopa hata kupanda gari, na anapopanda gari basi huwa na hofu kubwa sana (phobia).

Jambo hili huweza kuathiri mpaka utendaji wake wa kazi.

2. Maumivu ya viungo

Baada ya ajali, mtu huweza kuvunjika au kupata maumivu/majeraha makubwa ambayo huweza kuchukua muda mrefu kupona na hivyo kupelekea athari za kisaikologia na kiuchumi (kuchelewa kurudi kazini kwa wakati au kutoendelea kabisa na kazi).

3. Ulemavu wa viungo

Hasa kukatika miguu au mikono, kuvunjika mikono/miguu, au kuumia uti wa mgongo na kadhalika.

Hali hizi zinapotokea huwa na madhara makubwa kwa mtu husika, na watu hawa hasa baada ya kutibiwa huhitaji mwendelezo wa matibabu ya muda mrefu nje ya hospitali (home healthcare).

Msaada wa kisaikologia, msaada wa mazoezi ya viungo na msaada wa kusafisha vidonda huwa ni uhitaji wa muda mrefu.

Ukizingatia uoga wanaoupata wa kupanda magari na kadhalika, watu hawa watanufaika zaidi na huduma ya afya nyumbani na utafiti umeonyesha kwamba kutibiwa nyumbani huarakisha uponaji wa mgonjwa.

Mgonjwa hapotezi muda kuwaza gharama za kitanda na usafiri wa kila siku, bali anakuwa na muda wa kupumzika na kupata huduma nzuri ya nyumbani kutoka kwa familia huku akitibiwa, ukizingatia gharama za huduma afya nyumbani huwa ni nafuu sana kulinganisha na mahospitalini.